Climate change

前兩晚睇National Geographic, 講北極熊既慘況。總括黎講而家北極既海(海冰)出現左好大問題:

1. 愈來愈遲結冰
2. 冰既面積愈來愈細

北極熊係等海冰結冰, 然後出去搵食 - 佢地破開D冰捉海豹海獅呢D動物食, 要食得夠先可以儲多D fat去渡冬; 但由於海冰遲遲都未結成, 佢地搵食有困難, 又迫不得已走去人類居住既地方搵垃圾食.

而D熊仔唔夠野食, 好易死, 個節目話D熊仔既存活率一年不如一年; 我諗大家都聽過北極熊好有可能係100年內會絕種吧...

節目既最尾一個shot, 係影住一排排既風車, 然後彈左一段字寫住:To tackle climate change, we already have solution.

為左D北極熊, 我都要減少D排碳! (完)

19W走勢(3)

19W開始滯留在呂宋北部... 這是由於它在鞍型裡了.

同時20W已經在它最完美的時候, 現已成為CAT5的颱風, 結構良好, 有一隻明顯的眼睛。預料將會北上。

當20W走近19W時, 如果兩個風相距只有1500KM, 那就可能產生藤原效應了。到時弱的一方(19W)就會被拉進強的一方(20W), 成為它的一部分。所以遲些19W有可能又會被拉向東...

不過所有預報都算錯了這個19W的行蹤, 未來都很難料得準! 不過可以肯定的是19W應該不會再增強呢~

19W走勢

難以估計!
From JTWC: THE FORECAST IS COMPLICATED BY THE PRESENCE OF TY 20W TO THE EAST.

19W 走勢

相信這個19W難以預計! 純粹從駛流圖看它應該要向西走, 但有很多其他因素以致其路線都不明確.

暫時說對於這個超級颱風基本上有兩個預測: 1.向西進入南海/ 2.向北上台灣.
結果的分別實在太大!

受影響的因素包括:
西風糟是否真的強烈, 令副高東退使19W向北上? 還是副高不東退, 令繼續向西走入南海, 前來香港附近走一轉?!
遲幾天當20W到達其附近時, 是否它來個滕原效應, 令它在呂宋自轉?

東北季風所帶來的內陸乾空氣令它快速減弱?

太多問題了~ 都是等大自然自己決定吧!

SUPER TYPHOON 芭瑪 (19W)

PARMA has explosively deepened into an extremely dangerous Super Typhoon (Cat 4)...

18W力弱, 又夾在19W及20W中間, 很快就被19W吞噬了! 繼而另19W更強起來, 在今天已變成了一個CAT 4的超級颱風.

從駛流圖看芭瑪會繼續向西北偏西移動, 繼續增強成CAT 54的超級颱風, 並趨向呂宋.

未知會不會走進南海...不過它的破壞力實不可少看..

至於對香港的影響, 似乎是一定有的了.

三粒風

近風季尾太平洋竟然又熱鬧起來!

近幾日有3個熱帶擾動形成, 分別是18W, 19W以及今日形成的20W, 令我感到很驚訝!

熱帶風暴的任務是把熱帶地區多餘的能量帶到北面的地方散去, 因此愈多熱帶風暴表示海水愈來愈熱, 地球也就愈來愈熱了.

不談世界, 談談這3團雲吧.

當2個熱帶風暴彼此接近時會產生滕原效應, 預報表示19W將會把18W"吃掉", 繼而跟20W合併起來. 有趣有趣~

就看看它們的發展如何吧!

SUPER TYPHOON Choi Wan (15W)

Dangerous CHOI-WAN (15W) becomes the 1st Super Typhoon of 2009... (from Typhoon2000)

兩件事

第一件事:
今日係我第一次"獨自"咁獻奏. 第一次同詩班夾歌, 其實都幾緊張, 不過吹緊既時候又無野喎! 吹完先手震震咁番埋位~ 真係感謝神俾呢次機會我試下!仲有王癲癲特登既協助~

第二件事:

終於都完成啦! 已經BIND好既論文...真係太感動了~ 18號之前交左就真正既畢業. (完)

雜項一記

好耐無寫日記, 可能因為番到屋企太想hare的關係.

呢個月有好快就過去了的日本旅行 (oh...), 又有器樂事奉嘉年華;

工作上, 對我來說是一個新開始, 這是一個我十分滿意的安排~ (哈! 唔該晒!)
另外, 公司終於將會在9月1日實行五天工作, 雖然其實是假象! (因為..星期六....你地明架啦!!)

星期一至四: 9:15am - 6:00pm
星期五: 9:15am - 6:15pm

總叫踏出一第一步, 也是一個好開始.

可惜放工時間...個人認為唔係幾理想! 每星期既Happy Friday竟然遲多3個字先放工!! 唉! (雖然實際上其實對我黎講, 放6點定6點3都基本上係一樣, 不過心情上好唔同!)

還有, 終於都完成了論文, 應該可以畢業啦...其實影唔影相/上唔上台被卜頭真係無乜所謂, 最重要係...終於都正正式式咁放下心頭大舊石, 了左件心事! 唔駛日日掛住份論文應該點做....

今天晚上, 同成班同事一齊去左打籃球(因為11月有場比賽...(?!)), 真係好開心~ 好耐好耐好耐好耐無打籃球了! 打完波仲一齊去食飯, 笑死~ 我有呢班同事真係好~

明天呀Ken(aka"呀哥")有個爬樹堂, 所以要去幫手執頭執尾, 照顧下D學員, 我應該...無乜力爬上去架喇! (完)

器樂事奉嘉年華

我靈，我心，宣揚我主為大，恩澤無限，使我心靈歌唱；主言可靠，充滿寶貴應許；我靈，我心，因救主得歡暢。

今天的器樂事奉嘉年華順利完成! 實在係太好~感謝神使用我, 在籌備中讓我學習委身的事奉;我又看到讓各人在其崗位上的配合, 這個籌委會很歡樂~ 哈!

去日本

今晚我同王癲癲同另外兩位朋友去日本啦~
預計去仙台,富士山頂,東京.
下星期五番.
遲D見~

日偏食

今日(7月22日)晨咁早就走左去尖沙咀海旁睇日食.

我既土炮裝置: D300 + 300mm F4 + 土炮filter土炮filter係....

首先自製一個盒, 上面痴張太陽濾光片, 成個野用來放在鏡頭前.張filter好似一張錫紙, 但可以過濾99.999%既光.我諗只有太陽先可以夠勁透到光入黎, 所以用左filter就只會見到太陽, 周圍都係黑黑的.

食甚時原本好曬既海旁立即暗了, 仲比較涼.

我想日全食一定好震撼!

其實我發覺所有大自然既事物我都係咁鐘意, 總之就係唔知點解咁鐘意, 可能佢地實在太神奇!

日食既出現都係咁岩得咁kiu, 太陽地球同月球走在同一直線, 佢地既距離又咁岩可以做到呢個效果.

神既創造好奇妙, 唔係講笑.

瓜子豆腐2號廠

查實我有很多個日記的account, 例如這個。

又查實我用開0個個日記是我大一時開的, 滿載左我既歷史, 所以唔捨得丟棄。

但又查實科技愈來愈發達, 新既日記又靚又方便。

因此不如把這裡變成我的backup吧!